საპატიო ემერიტუსი
თამარ ლომიძემ 1971 წელს დაამთავრა თბილისის ივ.ჯავახიშვილის სახელობის სახელმწიფო უნივერსიტეტის ფილოლოგიის ფაკულტეტი. 1978 წელს დაიცვა საკანდიდატო დისერტაცია თემაზე „მხატვრული ინდივიდუალობის პრობლემა ლიტერატურაში“, ხოლო 2006 წელს – სადოქტორო დისერტაცია თემაზე „მხატვრული აზროვნების თავისებურებები ქართულ რომანტიზმში“ . 1973 -2010 წლებში მუშაობდა შოთა რუსთაველის სახელობის ქართული ლიტერატურის ინსტიტუტში უფროს მეცნიერ თანამშრომლად; 2004-2012 წლებში – შეფასებისა და გამოცდების ცენტრში ზოგადი უნარების ჯგუფისა და ქართული ენისა და ლიტერატურის ჯგუფის ექსპერტად; 2006 წლიდან მუშაობს ილიას სახელმწიფო უნივერსიტეტში. არის ილიას სახელმწიფო უნივერსიტეტის საპატიო ემერიტუსი.
თამარ ლომიძე არის 60-მდე პუბლიკაციის ავტორი (ადგილობრივ და საერთაშორისო აკადემიურ გამოცემებში); მას გამოქვეყნებული აქვს სამი მონოგრაფია: „ქართული რითმის ისტორიიდან“ (გამომც. „მეცნიერება“,1988); „ქართული რომანტიზმის პოეტიკა“ (ილიას სახელმწიფო უნივერსიტეტის გამომცემლობა, 2014), სადაც პირველად არის მონოგრაფიულად შესწავლილი ქართული რომანტიზმის პოეტიკა და შემოთავაზებულია ანალიზის ახალი მეთოდოლოგია; და „ქართული ლექსი: სტრუქტურა და სემანტიკა“ (თსუ გამომცემლობა, 2021), სადაც ახლებურადაა გაანალიზებული ქართული ვერსიფიკაციის პრობლემური საკითხები.
თამარ ლომიძეს 2015 წელს მიენიჭა გრიგოლ კიკნაძის სახელობის პრემია მონოგრაფიისთვის „ქართული რომანტიზმის პოეტიკა“, ხოლო 2022 წელს – ლიტერატურული პრემია „ანა “ (აირის მერდოკის რომანის „ზღვა, ზღვა“ თარგმნისთვის). თამარ ლომიძე არის ჟურნალების – „ლიტერატურული ძიებანი“ და „სჯანი“ – რედკოლეგიის წევრი, ასევე – შედარებითი ლიტერატურათმცოდნეობის ქართული ასოციაციის წევრი.
რჩეული პუბლიკაციები :
წიგნები
სტატიები ჟურნალებში
პუბლიკაციების ვრცელი სია
მხატვრული თარგმანები
მიმდინარე სალექციო კურსები |
სალექციო კურსების კატალოგი |
---|---|