ასოცირებული პროფესორი, კულტურის და რელიგიის კვლევების მიმართულებით
სოფო ზვიადაძემ საერთაშორისო ურთიერთობის ბაკალავრის ხარისხი მოიპოვა თბილისის სახელმწიფო უნივერსიტეტში. მიუნსტერის ვესთფალიის ვილჰელმის უნივერსიტეტში მაგისტრის ხარისხი მიიღო პოლიტიკურ მეცნიერებაში, სოციოლოგიასა და რელიგიის კვლევებში (2007). მან სწავლა გააგრძელა დოქტურანტურაში მიუნსტერის უნივერსიტეტში პოლიტიკური მეცნიერებისა და სოციოლოგიის მიმართულებით; 2014 წელს დაიცვა დისერტაცია საქართველოში პოლიტიკისა და რელიგიის ურთიერთობის თემაზე.
იგი წლების განმავლობაში მუშაობდა მშვიდობის, დემოკრატიისა და განვითარების კავკასიურ ინსტიტუტში და ხელმძღვანელობდა სამოქალაქო ინტეგრაციის, ეთნიკური და რელიგიური უმცირესობების უფლებების დაცვისა და ინტერკულტურული განათლების ხელშეწყობის პროექტებს. სოფო ზვიადაძის კვლევის ინტერესებია: სეკულარიზმი, პოლიტიკის და რელიგიის ურთიერთობა სამხრეთ კავკასიაში, მეხსიერების პოლიტიკა, რელიგიის ტრანსფორმაცია პოსტსოციალისტურ ქვეყნებში. იგი აგრეთვე იკვლევს ისლამს და მუსლიმითემის იდენტობას საქართველოში, რადიკალიზმისა და ფუნდამენტალიზმის პრობლემატიკას სამხრეთ კავკასიაში. 2012 წლიდან დღემდე სოფო ზვიადაძე არის მკვლევარი საერთაშორისო ემპირიულ კვლევით პროექტში „რელიგია და ადამიანის უფლებები 2.0“. პროექტის ფარგლებში იგი იკვლევს რელიგიურობას ქართველ ახალგაზრდებში და მათ დამოკიდებულებას ადამიანის უფლებებისადმი. როგორც მიწვეული მკვლევარი, სოფო ზვიადაძე მუშაობდა პარიზში ჰუმანიტარული მეცნიერების სახლში (Foundation Maison des Scineces de l´Homme), სადაც იკვლევდა საფრანგეთში ქართველ მიგრანტების რელიგიურობას და რელიგიის მნიშვნელობას დიასპორაში. სოფო ზვიადაძე აილიას სახელმწიფო უნივერსიტეტის ასოცირებული პროფესორი და რელიგიის კვლევების სამაგისტრო პროგრამის ხელმძღვანელია. იგი რეგულარულად მონაწილეობს საერთაშორისო კონფერენციებში, ატარებს საჯარო ლექციებს.
2016 წელს საქართველოს სახალხო დამცველთან არსებულმა ტოლერანტობის ცენტრმა სოფო ზვიადაძე დააჯილდოვა „ტოლერანტობის ქომაგის” წოდებით.
პოლიტიკა და რელიგია, სეკულარიზმი, რელიგიის ტრანსფორმაცია პოსტ-კომუნისტურ ქვეყნებში, ისლამი საქართველოში, უცხოს ფენომენოლოგია, რადიკალიზმი, ურბანული სოციოლოგია.
რჩეული პუბლიკაციები
მიმდინარე სალექციო კურსები |
სალექციო კურსების კატალოგი |
---|---|
ბაკალავრის სემინარი და საბაკალავრო ნაშრომი (სოციოლოგია); უცხო-ს აღქმა და კონსტრუქცია საზოგადოებაში; როგორ ვიკვლიოთ რელიგია – რელიგია საზოგადოებაში, პოლიტიკასა და ყოველდღიურობაში II უცხო-ს აღქმა და კონსტრუქცია საზოგადოებაში; ქალაქი როგორც სოციალური დრამა – შესავალი ურბანულ სოციოლოგიაში; რელიგიის კვლევების თეორიები და აქტუალური საკითხები – რელიგია საზოგადოებაში, პოლიტიკასა და ყოველდღიურობაში I |
საბაკალვრო საფეხური
სამაგისტრო საფეხური
სადოქტორო საფეხური
|