გიორგი კირკიტაძე ილიას სახელმწიფო უნივერსიტეტის ასისტენტ-პროფესორია გეომატიკის ინჟინერიის მიმართულებით. მას აქვს მაგისტრის ხარისხი გეოგრაფიაში სპეციალიზაციით დისტანციური ზონდირება და გეოინფორმაციული სისტემები. ამჟამად მუშაობს სადოქტორო ნაშრომზე „ახლო დისტანციური ციფრული აეროფოტოგრამმეტრიის ტექნოლოგიის გამოყენება არქეოლოგიურ კვლევა-ძიებაში“.

მისი პროფესიული ინტერესები მოიცავს გეომატიკის ტექნოლოგიების გამოყენებას გარემოს, ურბანული სივრცისა და კულტურული მემკვიდრეობის კვლევისთვის.

გიორგის აქვს მრავალწლიანი პრაქტიკული გამოცდილება აეროფოტოგრამმეტრიის სფეროში. მის სასწავლო კურსებზე სტუდენტები ეუფლებიან თანამედროვე ტექნოლოგიებით სივრცითი მონაცემების შეგროვებასა და ანალიზს. გარდა აუდიტორიული მუშაობისა, აქტიურად მონაწილეობს საველე ექსპედიციებსა და კვლევით პროექტებში საქართველოს სხვადასხვა რეგიონში.