1991 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ბიოლოგიის ფაკულტეტი. 2009 წელს ილიას სახელმწიფო უნივერსიტეტში დაიცვა სადოქტორო დისერტაცია თემაზე: «სახეობათა გავრცელების პროგნოზი ანუ ჰაბიტატთა მოდელირება კავკასიაში».
1991-2002 წლებში მუშაობდა ივანე ჯავახიშვილის სახელობის თბილისის სახელმწიფო უნივერსიტეტის ბიოლოგიის ფაკულტეტის ბიოფიზიკის კათედრაზე მკვლევრად. 1994-2006 წლებში – საქართველოს ბუნების შენარჩუნების ცენტრში «ბუდე» ბიოლოგ-კონსერვაციონისტად და გის-ანალიტიკოსად. ილიას სახელმწიფო უნივერსიტეტში მუშაობს 2006 წლიდან. გამოქვეყნებული აქვს 25-ზე მეტი სტატია საერთაშორისო სამეცნიერო ჟურნალებში და რამდენიმე წიგნი.
სამეცნიერო ინტერესის სფეროები
მისი ძირითადი სამეცნიერო საქმიანობა შედგება შემდეგი ამოცანისგან:
- სად, როგორ და რატომ ცხოვრობდა, ცხოვრობს ან იცხოვრებს საკვლევი ცოცხალი ორგანიზმი?
ამ ამოცანის ამოსახსნელად იყენებს შემდეგ მეთოდებს:
- ლანდშაფტური გენეტიკა;
- ეკოლოგიური ნიშის დამოდელება და დარუკება;
- სატელიტური რადიოტელემეტრია (ცხოველების აღჭურვა რადიოგადამცემებით და მათი მოძრაობის შესწავლა);
- დისტანციური ზონდირება (სატელიტური გამოსახულებების ანალიზი);
- ფოტომახით ცხოველთა აღრიცხვა.
ამ მეთოდებით მიღებული შედეგების საბოლოო მიზანია:
- აიხსნას ევოლუციური პროცესები ცოცხალ სამყაროში (ადამიანის ჩათვლით);
- ხელი შეეწყოს ბუნების დაცვით საქმიანობასა და ბუნებრივი რესურსების გონივრულ მართვას (ე.ი. ბუნების კონსერვაციას).
სამეცნიერო ინტერესის სფეროები / კვლევითი ინტერესები
