ასოცირებული პროფესორი, ხელოვნების და კულტურის კვლევების მიმართულებით
1989 წელს წარჩინებით დაამთავრა თსუ ისტორიის ფაკულტეტის ხელოვნების ისტორიის და თეორიის განყოფილება. სადიპლომო ნაშრომი პოლონური სამგანზომილებიანი მხატვრული ტექსტილის შესახებ მოამზადა ქ. ლოძის უნივერსიტეტში, პოლონეთში. 1999 წელს დაიცვა საკანდიდატო დისერტაცია ქართული გობელენის შესახებ. 1992 წლიდან ასწავლიდა თსუ, აზიისა და აფრიკის ინსტიტუტში, მცირე აკადემიაში, სადაც პირველმა დაიწყო ჩინეთის, იაპონიის და ინდოეთის ხელოვნების კურსების წაკითხვა. 2002 წლიდან აქტიურად მუშაობს სამუზეუმო სფეროში და მონაწილეობს მის რეფორმაში. 2006 აპრილიდან 2014 დეკემბრამდე იყო აბრეშუმის სახელმწიფო მუზეუმის დირექტორი. არის მუზეუმების საერთაშორისო საბჭოს (ICOM) საქართველოს ეროვნული კომიტეტის თანადამფუძნებელი და საბჭოს წევრი. აქვს არასამთავრობო სექტორში მუშაობის მრავალწლიანი და მრავალფეროვანი გამოცდილება, რომლის ძირითადი სფეროებია: ჩინური კულტურა (საქართველო-ჩინეთის მეგობრობის საზოგადოება), მხატვრული ტექსტილი (ქართული ტექსტილის ჯგუფი), მუზეუმი (საქართველოს მუზეუმების ასოციაცია, ICOM საქართველო). 2010 წლიდან ასწავლის ილიას სახელმწიფო უნივერსიტეტში.
სამეცნიერო ინტერესის სფეროები / კვლევითი ინტერესები
- მუზეოლოგია
- სამუზეუმო მენეჯმენტი
- მუზეუმის სოციალური ფუნქცია
- სამუზეუმო სწავლება
- ტრადიციული ჩინური ფერწერა, ჩინეთის კულტურა
რჩეული პუბლიკაციები
- სამუზეუმო მენეჯმენტის გამოწვევები დღევანდელ საქართველოში. ICOM საქართველოს 10 წლისთავისადმი მიძღვნილი სამეცნიერო კონფერენციის მასალები, 2017 (მზადდება გამოსაქვეყნებლად)
- პოსტ-საბჭოთა მენტალობა და მუზეუმები საქართველოში. პოსტ-საბჭოთა ქვეყნების მუზეუმების პრობლემები და განვითარების პერსპექტივები, საერთაშორისო სამეცნიერო კონფერენციის მასალები (ინგლ. ენაზე). თბილისი, 2015
- საქართველოს მუზეუმების მუშაობის გაუმჯობესების პერსპექტივები. მუზეუმების საერთაშორისო დღისადმი მიძღვნილი მე-2 სამეცნიერო კონფერენციის მასალები, თბილისი, 2015
- საქართველოს მუზეუმები, საზოგადოება და სახელმწიფო – გადარჩენის სტრატეგია, ჟურნალი ‘სპექტრი’, თბილისი, 2011
- “მხატვრული ტექსტილის კლასიფიკაციის პრობლემები საქართველოში” – ტექსტილის მეორე საერთაშორისო სიმპოზიუმის მასალები, თბილისი, 1999
- “ფერწერაში უსასრულობის საკითხისათვის” – ივ. ჯავახიშვილის დაბადების 120 წლისთავისადმი მიძღვნილი სამეცნიერო სესია, თეზისები, თბილისი, 1996
- “ჩინური ფერწერის ტერმინოლოგიის საკითხისათვის” – თსუ ხელოვნების ისტორიისა და თეორიის კათედრის სამეცნიერო სესია მიძღვნილი აკად. პ. ზაქარაიას 80 წლისთავისადმი, თეზისები, თბილისი, 1995
- “ქსოვილი თუ ქანდაკება?” – ალმანახი “სპექტრი”, #2, 1990
- “თეთრი სიცარიელე – სივრცის ილუზიის ერთი სახე” – ალმანახი “სპექტრი”, #1, 1990
წიგნები
- სამუზეუმო სწავლების სახელმძღვანელო (ბარი ლორდი, გეილ ლორდი), თარგმანი და სამეცნიერო რედაქტირება, (მზადაა გამოცემისთვის), 2011
- სამუზეუმო ექსპოზიციების სახელმძღვანელო (ბარი ლორდი, გეილ ლორდი), თარგმანი და სამეცნიერო რედაქტირება, თბილისი, 2009
- მუზეუმის მენეჯმენტის სახელმძღვანელო (ბარი ლორდი, გეილ ლორდი), თარგმანი და სამეცნიერო რედაქტირება, თბილისი, 2006
- გივი ყანდარელი. გობელენი, აკვარელი. ალბომი. პეკინი, 2004
- ინდოეთისა და შორეული აღმოსავლეთის კულტურა. სალექციო კურსის მასალები. (200 გვერდი) – თბილისი, 2000
მიმდინარე სალექციო კურსები |
სალექციო კურსების კატალოგი |
|---|---|
| ინდოეთის ხელოვნება; მუზეუმი-სოციალური და კულტურული ასპექტები; სამუზეუმო საქმის შესავალი; ჩინეთის ხელოვნება იაპონიის ხელოვნება; საგანმანათლებლო პროგრამები მუზეუმში; სამუზეუმო საქმის შესავალი; ხელოვნების წარდგენა აუდიტორიისთვის |
სურათის სივრცე ევროპისა და შორეული აღმოსავლეთის ტრადიციაში (შემ) საბაკალავრო |