ასისტენტ- პროფესორი საჯარო სამართლის მიმართულებით
ონისიმე ცხომელიძეს მინიჭებული აქვს სამართლის დოქტორის აკადემიური ხარისხი ივანე ჯავახიშვილი სახელობის თბილისის სახელმწიფო უნივერსიტეტის (თსუ) მიერ, სამართლის მაგისტრის აკადემიური ხარისხი (წარჩინებით) – ედინბურგის უნივერსიტეტის მიერ, საერთაშორისო სამართლის მაგისტრის ხარისხი (წარჩინებით) და სამართლის ბაკალავრის ხარისხი – თსუ-ის მიერ.
2020 წლიდან ონისიმე მუშაობს წითელი ჯვრის საერთაშორისო კომიტეტის (ICRC) საქართველოს დელეგაციის მრჩევლად სამართლებრივ საკითხებში, ხოლო 2019-2020 წლებში მუშაობდა თავისუფლების აღკვეთის საკითხებში ამავე ორგანიზაციის საველე ოფიცრის პოზიციაზე. 2016-2018 წლებში იყო საქართველოს გაეროს ასოციაციის ლტოლვილთა და მიგრაციის პროგრამის დირექტორი, ხოლო 2014-2015 წლებში – ამავე პროგრამის იურისტი.
აკადემიური საქმიანობის კუთხით აღსანიშნავია, რომ 2019 წლიდან ონისიმე ცხომელიძე მოწვეული ლექტორის რანგში უძღვებოდა საერთაშორისო სამართლის მიმართულების სხვადასხვა კურსს საქართველოს უნივერსიტეტში, ხოლო 2019-2022 წლებში იყო თსუ-ის იურიდიული ფაკულტეტის მოწვეული ლექტორი. გამოქვეყნებული აქვს სამეცნიერო ნაშრომები საერთაშორისო ჰუმანიტარული და საერთაშორისო სისხლის სამართლის მიმართულებით, ჩატარებული აქვს არაერთი საჯარო ლექცია სტუდენტების, პრაქტიკოსი იურისტებისა და საჯარო მოხელეებისთვის.
ონისიმე არის საქართველოს ადვოკატთა ასოციაციის წევრი (საერთო სპეციალიზაცია), სისხლის სამართლის საერთაშორისო სასამართლოს (ICC) რეგისტრირებული ასისტენტ-ადვოკატი და სისხლის სამართლის საერთაშორისო სასამართლოს ადვოკატთა ასოციაციის ასოცირებული წევრი.
სამეცნიერო ინტერესის სფეროები / კვლევითი ინტერესები
- ონისიმე ცხომელიძე, „არასახელმწიფო აქტორების მიერ ჩადენილი ადამიანურობის წინააღმდეგ მიმართული დანაშაულები ICC-ის იურისდიქციის ჭრილში“, 1 ივ. ჯავახიშვილის სახელობის თბილისის სახელმწიფო უნივერსიტეტის საერთაშორისო სამართლის ჟურნალი 2018:154 (ხელმისაწვდომია: https://www.tsu.ge/data/file_db/Faculty_law_ILI/Journal%20N2-2016-N1-2017.pdf)
- ონისიმე ცხომელიძე, ,,გარემოს წინააღმდეგ მიმართული დანაშაული სისხლის სამართლის საერთაშორისო სასამართლოს იურისდიქციის ჭრილში“, XIII საკონსტიტუციო სამართლის მიმოხილვა 2019:40 (ხელმისაწვდომია ქართულად: http://clr.iliauni.edu.ge/wp-content/uploads/2020/05/XIII-nomeri-qar-2.pdf; ხელმისაწვდომია ინგლისურად: https://iliauni.edu.ge/uploads/other/54/54856.pdf)
- სისხლის სამართლის საერთაშორისო სასამართლოს კომპლემენტარული იურისდიქციისა და ne bis in idem პრინციპის ურთიერთმიმართება დე ფაქტო ხელისუფლების მიერ განხორციელებული სისხლისსამართლებრივი დევნის შემთხვევებში, O.Tskhomelidze, 2020, Tbilisi State University Online Library (2022), ხელმისაწვდომია https://www.tsu.ge/ka/publishing-house/single/1443
მიმდინარე სალექციო კურსები |
სალექციო კურსების კატალოგი |
|---|---|
|