თამარ კალხიტაშვილი არის ციფრული ჰუმანიტარიის მკვლევარი. ილიას სახელმწიფო უნივერსიტეტში 2023 წელს მან დაიცვა სადოქტორო დისერტაცია თემაზე „საქართველოს ეპიგრაფიკული კორპუსი (ციფრული გამოცემა http://epigraphy.iliauni.edu.ge )”, რომელიც დაფინანსებული იყო შოთა რუსთაველის საქართველოს ეროვნული სამეცნიერო ფონდის მიერ. სადოქტორო კვლევის ფარგლებში იგი მუშაობდა მრავალენოვანი წარწერების EpiDoc სტანდარტების შესაბამისად XML-ფორმატში კოდირებასა და კორპუსის EFES პლატფორმაზე განთავსებაზე.

თამარ კალხიტაშვილი მონაწილეობდა რამდენიმე სამეცნიერო პროექტში, მათ შორის — „გიორგი მთაწმინდლის მათეს სახარების რედაქციის ანოტირებული პარალელური კორპუსის ციფრული გამოცემა” (ogb.iliauni.edu.ge), სადაც პასუხისმგებელი იყო ტექნიკური გუნდის კოორდინაციაზე, ასევე უნივერსიტეტის დაფინანსებით განხორციელებულ პროექტებში: „პირველი რესპუბლიკის პროსოპოგრაფია (1918–1921)” https://prosopography.iliauni.edu.ge/, „ქართველთა შორის წერა-კითხვის გამავრცელებელი საზოგადოება” http://society.iliauni.edu.ge , „გერმანიაში ქართველთა კულტურული კვალი” https://qakuna.iliauni.edu.ge/ka და „ბავშვის მეტყველების კორპუსი” http://talkbank.iliauni.edu.ge.