ასოცირებული პროფესორი, ფსიქოლოგიის მიმართულებით
რუსუდან მირცხულავამ დაამთავრა თბილისის ივ. ჯავახიშვილის სახ. უნივერსიტეტის ფსიქოლოგია-ფილოსოფიის ფაკულტეტი (ფსიქოლოგიის სპეციალობით). 1993-2008 წწ. მუშაობდა ლექტორად შ. რუსთაველის თეატრისა და კინოს უნივერსიტეტში, ეკავა ჰუმანიტარულ დისციპლინათა კათედრის გამგის თანამდებობა. 1980-2012 წწ. მუშაობდა დ. უზნაძის ფსიქოლოგიის ინსტიტუტში მკვლევრად, იყო ინსტიტუტის სამეცნიერო საბჭოს წევრი და ჟურნალ „მაცნეს“ რედკოლეგიის წევრი. 1999-2003 წწ. – ტელეკომპანია „რუსთავი 2“-ის ბაზაზე არსებულ „იმიჯ-ცენტრში“ფსიქოლოგად. 2000-2001 წწ. – ტელეკომპანია „პირველი არხის“ (ახლანდელი საზოგადოებრივი მაუწყებლის) გადაცემაში „კომუნიკატორი“ფსიქოლოგად. 2008 წლიდან დღემდე ილიას სახ. უნივერსიტეტის ასოცირებული პროფესორია. 2015 წლიდან არის ანდრია პირველწოდებულის სახ. უნივერსიტეტის აკადემიური საბჭოს წევრი.
1999 წლიდან რ. მირცხულავა მუშაობს როგორც პრაქტიკოსი არტფსიქოლოგი და ატარებს ფსიქოთერაპიულ (არტთერაპია, ფსიქოდრამა) სასწავლო და თერაპიულ სესიებს. რ. მირცხულავა რამდენიმე, ორიგინალური არტთერაპიული სესიის მოდელის ავტორი და ტრენერია. დიდი ხნის მანძილზე ეწევა არტთერაპიისა და ფსიქოდრამის პოპულარიზებას საქართველოში და ამ მიზნით ატარებს საჯარო ლექციებსა და საჩვენებელ სესიებს.
რ. მირცხულავა 3 მონოგრაფიის, მრავალი სტატიისა და ესეს ავტორია.
სისტემატიურად ატარებს საჯარო ლექციებს სხვადასხვა უნივერსიტეტში, გამოდის ტელე და რადიოეთერით.
აქტიურად მონაწილეობს კონფერენციებში როგორც ქვეყნის ფარგლებში, ასევე მის გარეთ.
მოღვაწეობის სფეროები: 1. ხელოვნების და მხატვრული შემოქმედების ფსიქოლოგია, 2. არტთერაპია, ფსიქოდრამა (არტთერაპიული და ფსიქოდრამატული მეთოდების თეორია და პრაქტიკა), 3. ემოციის ფსიქოლოგია, 4. სოციალური ფსიქოლოგია. 5. განწყობის ფსიქოლოგია და დ. უზნაძის ფსიქოლოგიური მემკვიდრეობა.
კვლევითი ინტერესები: 1. ემოციის გამომხატველი მოძრაობები, „სხეულის ენა“ და პრაიმინგი, 2.შფოთვის პარამეტრები და მათი გავლენა აკადემიურ მიღწევებზე. 3. კრეატულობისა და შფოთვის პარამეტრების კორელაციური კვლევა.
რჩეული პუბლიკაციები :
სტატიები ჟურნალებში:
მიმდინარე სალექციო კურსები |
სალექციო კურსების კატალოგი |
---|---|
ხელოვნების ფსიქოლოგია; ჯგუფური არტ-თერაპიული ტექნიკები ემოციების ფსიქოლოგია; სოციალური ფსიქოლოგიის საფუძვლები; ქცევისა და ურთიერთობის მიღმა; ხელოვნების ფსიქოლოგია; სოციალიზაციის პროცესი და ადამიანის „მე“ |
პიროვნების ფსიქოლოგიური თეორიები 2. ზოგადი ფსიქოლოგია 3. განწყობის ფსიქოლოგია 8. ფსიქოანალიზი და ხელოვნება 4. ფსიქოლოგიის საფუძვლები 5. თვითიდენტობა და არტთერაპია 6. სოციალური ფსიქოლოგია 7. ემოციის ფსიქოლოგია, 8. ხელოვნების ფსიქოლოგია, 9. თანამედროვე არტთერაპიული ტექნიკები, 10. სოციალიზაცია და ადამიანის „მე“. |