პროფესორი, საჯარო სამართლის მიმართულებით
ქეთევან ერემაძე დაიბადა 1975 წლის 14 თებერვალს, ქ.თბილისში;1998 წელს წარჩინებით დაამთავრა ივ.ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი; 2003 წელს ამავე უნივერსიტეტის იურიდიული ფაკულტეტის ასპირანტურა საკონსტიტუციო სამართლის მიმართულებით. 2003 წელს მიენიჭა იურიდიულ მეცნიერებათა კანდიდატის ხარისხი (სამართლის დოქტორის ხარისხი), დისერტაციისთვის თემაზე: „საკანონმდებლო და აღმასრულებელ ხელისუფლებათა ურთიერთდამოკიდებულების პრობლემები საქართველოში“. 2006-2007 წლებში იყო ავსტრიის აკადემიური გაცვლის პროგრამის სტიპენდიატი, ვენის უნივერსიტეტის კონსტიტუციური და ადმინისტრაციული სამართლის ინსტიტუტში, აწარმოებდა სამეცნიერო კვლევას თემაზე: „სახელმწიფოს ტერიტორიული მოწყობის პრობლემები“.
1998-2016 წლებში ქ.ერემაძე მუშაობდა საქართველოს საკონსტიტუციო სასამართლოში სხვადასხვა პოზიციაზე: წამყვან სპეციალისტად (1998-1999 წ.); საქართველოს საკონსტიტუციო სასამართლოს თავმჯდომარის მრჩევლად (1999-2001წ.); საქართველოს საკონსტიტუციო სასამართლოს თავმჯდომარის თანაშემწედ (2001-2005წ.); საქართველოს საკონსტიტუციო სასამართლოს აპარატის უფროსად (2005-2006წ.);
2006 წელს ქ.ერემაძე საქართველოს პარლამენტის მიერ არჩეულ იქნა საქართველოს საკონსტიტუციო სასამართლოს მოსამართლედ (2006-2016 წ). იმავდროულად, იყო საკონსტიტუციო სასამართლოს მდივანი.
ქ. ერემაძე 2005 წლიდან ეწევა სამეცნიერო-პედაგოგიურ საქმიანობას: 2005-2014 წ-ში იყო ივ.ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის მოწვეული ლექტორი; 2010-2011წ.-ში – თავისუფალი უნივერსიტეტის მოწვეული ლექტორი; 2014 წ.-დან – ივ.ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ასოცირებული პროფესორი; 2017 წლის 1 მარტიდან ილიას სახელმწიფო უნივერსიტეტის მოწვეული პროფესორი. 2018 წლის 8 ოქტომბრიდან არის ილიას სახელმწიფო უნივერსიტეტის პროფესორი.
2008-2016 წლებში ქ.ერემაძე კითხულობდა ლექციებს ილიას სახელმწიფო უნივერსიტეტისა და საკონსტიტუციო სასამართლოს მიერ ერთობლივად ორგანიზებულ საზაფხულო სკოლის ფარგლებში ადამიანის უფლებათა სამართალში.
2018 წელს ქ.ერემაძე საქართველოს პრეზიდენტის მიერ დაინიშნა საქართველოს ეროვნული პრემიის კომისიის თავმჯდომარედ.
ქ.ერემაძე არის სამი წიგნის, 12 სტატიის ავტორი, საკონსტიტუციო სამართალში ორი სახელმძღვანელოს თანაავტორი, სამი წიგნის სამეცნიერო რედაქტორი.
საკონსტიტუციო სამართალი, ადამიანის უფლებათა სამართალი; ძირითადი კონსტიტუციური ღირებულებები;
რჩეული პუბლიკაციები
წიგნები
სახელმძღვანელოები (თანაავტორი):
სტატიები ჟურნალებში
პუბლიკაციების ვრცელი სია
მიმდინარე სალექციო კურსები |
სალექციო კურსების კატალოგი |
---|---|
ადამიანის უფლებების დაცვა საკონსტიტუციო სასამართლოში; ადამიანის უფლებების სამართალი; სამაგისტრო ნაშრომი საქართველოს კონსტიტუციური სამართალი (სახელმწიფო მოწყობა); კონსტიტუციური ღირებულებები სისტემა და ფუნდამენტური უფლებები; პრაქტიკული კურსი საკონსტიტუციო სამართალწარმოებაში |
„კონსტიტუციურ ღირებულებათა სისტემა და ფუნდამენტური უფლებები“ (მაგისტრატურის საფეხური, 2014 წლიდან დღემდე); „პრაქტიკული კურსი საკონსტიტუციო სამართალწარმოებაში“ (მაგისტრატურის საფეხური, 2017 წლის შემოდგომის სემესტრი; 2018 წლის შემოდგომის სემესტრი); „ადამიანის ძირითადი უფლებები და თავისუფლებები“ (ბაკალავრიატის საფეხური, 2014 წლიდან 2018 წლის გაზაფხულის სემესტრის ჩათვლით); „ადამიანის უფლებების დაცვა საკონსტიტუციო სასამართლოში“ (ბაკალავრიატის საფეხური, 2011 წლიდან 2018 წლის გაზაფხულის სემესტრის ჩათვლით); „სახელმწიფო მოწყობის სამართალი“ (ბაკალავრიატის საფეხური, 2010-2011 წლები); „საქართველოს საკონსტიტუციო სამართალი“, (ბაკალავრიატის საფეხური; 2005-2010 წლები); |